ਆਸਟ੍ਰੇਲੀਆ ਵਿੱਚ ਹਰ ਸਾਲ 25 ਅਪ੍ਰੈਲ ਨੂੰ ‘ਐਨਜ਼ੈਕ ਡੇਅ’ ਮਨਾਇਆ ਜਾਂਦਾ ਹੈ। ਅਜਿਹਾ ਰਾਸ਼ਟਰੀ ਦਿਨ ਜੋ ਉਨ੍ਹਾਂ ਸਾਰੇ ਆਸਟ੍ਰੇਲੀਅਨਾਂ ਅਤੇ ਨਿਊਜ਼ੀਲੈਂਡ ਦੇ ਲੋਕਾਂ ਦੀ ਯਾਦ ਦਿਵਾਉਂਦਾ ਹੈ ਜਿਨ੍ਹਾਂ ਪਹਿਲੀ ਵਿਸ਼ਵ ਜੰਗ ਸਮੇਤ ਹੋਰ ਯੁੱਧਾਂ, ਸੰਘਰਸ਼ਾਂ, ਅਤੇ ਸ਼ਾਂਤੀ ਰੱਖਿਅਕ ਕਾਰਜਾਂ ਵਿੱਚ ਸੇਵਾ ਕਰਦਿਆਂ ਆਪਣੀਆਂ ਜਾਨਾਂ ਕੁਰਬਾਨ ਕੀਤੀਆਂ। ਆਉ ਜਾਣੀਏ ਕਿ ਤਕਰੀਬਨ ਇੱਕ ਦਹਾਕੇ ਤੋਂ ਕਿਸ ਤਰ੍ਹਾਂ ਐਨਜ਼ੈਕ ਡੇਅ ਵਾਲੇ ਦਿਨ ਵਿਸ਼ੇਸ਼ ਪਰੇਡ ਰਾਹੀਂ ਸਾਬਕਾ ਸਿੱਖ ਸੈਨਿਕ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਸਿਡਨੀ ਵਿਖੇ ਇਸ ਖਾਸ ਦਿਨ ਦਾ ਹਿੱਸਾ ਬਣਦੇ ਹਨ।